រថយន្តប្រភេទ Xtreme Utility Vehicle (XUV) ម៉ូដែល Rezvani Tank គឺជាប្រភេទរថយន្ពពាលដែលពិសេសបាញ់មិនធ្លុះ ដែលមានសមត្ថភាពខ្លាំង ក្នុងការការពារគ្រាប់ជាមួយតួរថយន្តទាំងមូល, កញ្ចក់ទ្វាររថយន្ត និងផ្នែកកង់រថយន្ត អាចការពារការវាយប្រហារដោយគ្រាប់កាំភ្លើង ហើយផ្នែកខាងក្រោមអាចការពារពីការបំផ្ទុះគ្រាប់បែក ដែលអាចឲ្យម៉ាស៊ីននៅតែអាចដំណើរការបាន រួមទាំងការពារធាតុវិទ្យុសកម្មពីផ្នែកខាងក្រៅ។
Rezvani Tank បំពាក់នូវម៉ាស៊ីន Hemi V8 ចំណុះ ៦.៤ លីត្រ មានកម្លាំង ៥០០ សេះ តួខ្លួនខាងក្នុងអមដោយសម្ភារៈយ៉ាងប្រណីត បន្សំនឹងកញ្ចក់ Touchscreen ទំហំ ៧.៩ អ៊ីញ អាចឲ្យអ្នកប្រើកម្មវិធី Google Maps, Pandora និង Stitcher ជាដើម។ ជាពិសេសវាមានមុខងារ Night Vision ដែលអាចអនុញ្ញាតឲ្យអ្នកធ្វើដំណើរមើលឃើញផ្លូវច្បាស់នៅស្ថានភាពងងឹតនិងប្រព័ន្ធ Thermal Camera ។
យើងក៏ដឹងហើយថា រថយន្តដែលមានសម្ថតភាពពិសេសនេះ Rezvani Tank ត្រូវបាននាំចូលផ្តាច់មុខមកកម្ពុជា ដោយក្រុមហ៊ុន ជេត៍ គ្រុប របស់លោកឧកញ៉ា ស្រី ចាន់ថន ដែឡបានសហការជាមួយ ក្រុមហ៊ុនផលិតរថយន្ត រេហ៍វ៉ានី របស់សហរដ្ឋអាមេរិក ដោយបានផ្ដល់សិទ្ធិចែកចាយផ្តាច់មុខតែមួយគត់ក្នុងប្រទេសកម្ពុជា និងជាពិសេសមានសិទ្ធចែកចាយបន្តទៅកាន់ ៥ ប្រទេសផ្សេងទៀតដែលរួមមាន៖ ថៃ, វៀតណាម, សិង្ហបុរី, ម៉ាឡេស៊ី និងឡាវ”៕
