លោក Sahil Mehta ក៏បានបន្តធ្វើការនៅក្នុងវិស័យអចលនទ្រព្យជាបន្តបន្ទាប់ ជាហេតុដែលធ្វើឱ្យគាត់បានក្តោបក្តាប់អចលនទ្រព្យចំនួនប្រាំក្នុងដៃ ដែលអាចរកចំណូលបានរហូតដល់ ៥១៥,០០០ ដុល្លាក្នុងមួយឆ្នាំ នឹងមានតម្លៃអចលនទ្រព្យផ្សេងទៀតក្នុងដៃដែលមានតម្លៃសរុបខ្ទង់ ៩.៤លានដុល្លារឯណោះ។ បើយោងទៅតាមសារពត៍មាន CNBC លោកបាននិយាយថា “វាគឺជាអារម្មណ៍មួយដែលមិនគួរឱ្យជឿ មិនមែនព្រោះតែចំនួនលុយទេ ប៉ុន្តែគឺជាអារម្មណ៍មួយនៃការសម្រេចបាន” លោកក៏បានបន្តថានឹងចែករំលែកយុទ្ធសាស្រ្តចំនួន៤ក្នុងការវិនិយោគទៅក្នុងវិស័យអចលនទ្រព្យនេះជូនផងដែរ។
១ ជ្រើសរើសផ្លូវដែរត្រឹមត្រូវបំផុតមួយសម្រាប់ខ្លួនឯង
យើងទាំងអស់គ្នាធ្លាប់ដឹងហើយថានៅក្នុងវិស័យអចលនទ្រព្យនេះមានច្រើនជម្រើសដែរអ្នកត្រូវជ្រើសថាត្រូវវិនិយោគទៅកាន់ផ្នែកណាមួយរួមមាន: ផ្ទះ អាគារពាណិជ្ជកម្ម ខុនដូ និងដី ជាដើម។ ដូច្នេះហើយអ្នកត្រូវជ្រើសរើសគោលដៅមួយឱ្យច្បាស់់លាស់មួយក្នុងការវិនិយោគទៅលើវា ដោយផ្អែកទៅលើដំណាក់កាលនឹងរៀបចំផែនការជាមុនសិន។ បន្ទាប់មកត្រូវជ្រើសរើសអចលនទ្រព្យ ដែលអ្នកគិតថាល្អហើយត្រូវគិតទៅលើទីតាំងនឹងហិរញ្ញវត្ថុរបស់អ្នកបច្ចុប្បន្ន ចំណងហានិភ័យ បទពិសោធន៍ បរិមាណដែលអ្នកចង់ចូលរួម។
២ ធ្វើគណនេយ្យលំហូសាច់ប្រាក់
បន្ទាប់ពីបានជ្រើសរើសផ្នែកណាមួយហើយ អ្នកក៏ត្រូវមានភាពច្បាស់លាស់ធ្វើវាឱ្យមានទំនុកចិត្តដោយប្រាកដថានឹងក្លាយទៅជាអ្នកជំនាញខាងគណនាលំហូរសាច់ប្រាក់ ដឹងច្បាស់ពីសក្តានុពលរបស់ផ្នែកទ្រព្យនិងហិរញវត្ថុនីមួយៗ ព្រោះការទិញអចចលនទ្រព្យនីមួយៗ ត្រូវផ្តល់ឱ្យអ្នកមានភាពទំនួលខុសត្រូវខ្ពស់ និងត្រូវមានការគ្រប់គ្រងលំហូសាច់ប្រាក់ល្អ។ ព្រោះវាត្រូវក៏មានការប្រតិបត្តិការសន្សំប្រាក់ទុកកែលម្អនាពេលអនាគត នឹងជួសជុលពេលសង្រ្គោះបន្ទាន់ជាដើមជាហេតុនេះហើយទើបធ្វើឱ្យយើងមានភាពច្បាស់លាស់ក្នុងការគណនាលំហូសាច់ប្រាក់។
៣ ទាក់ទងជួបផ្ទាល់ជាមួយអ្នកលក់
មនុស្សគ្រប់រូបមានសិទ្ធចូលឆែកទៅលើគេហទំព័រអំពីអចលនទ្រព្យផ្សេងៗបានក្នុងការដេញថ្លៃប៉ុន្តែឱកាសដែលអ្នកនឹងមិនទទួលបានកិច្ចព្រមព្រៀងមួយដែលល្អបំផុតនោះទេ។ លោក Sahil Mehta បានដាស់តឿនថាអ្នកអាចគិត ហើយក៏អាចធ្វើវិធីតាមក្រៅទីផ្សារបានដែរដោយធ្វើការខុសប្លែកពីគេ កុំធ្វើដូចមនុស្សភាគច្រើន ប្រសិនបើអ្នកចង់ទទួលបានភាគរយខ្ពស់ ក្នុងការទិញយកអចលនទ្រព្យនោះជាងអ្នកផ្សេង។
៤ ផ្តោតលើវាឱ្យខ្លាំង
បើសិនជាអ្នកគ្រាន់តែមានចិត្តលើការវិនិយោគនេះមិនច្បាស់លាស់នោះទេ ដោយមិនបានគិតលើវាឱ្យស៊ីជម្រៅទេ នោះច្បាស់ណាស់អ្នកនឹងមានអារម្មណ៍មិនល្អបំផុតជាមួយវាទេ ហើយមុខនឹងប្រាកដជាខាតបង់ប្រាក់និងពេលវេលាជាមិនខាន។ លោកក៏បានបន្ថែមទៀតថា “ប្រសិនបើអ្នកកំពុងវិនិយោគលើការជួលអចលនទ្រព្យសម្រាប់ប្ដូរជាប្រយោជន៍ថ្លៃឈ្នួលត្រឡប់មកវិញ អ្នកត្រូវចំណាយការគិត និងផ្ដោតលើវាឱ្យខ្លាំងបំផុត។ ម្យ៉ាងទៀតអ្នកគួរតែត្រូវចេះវិភាគថា ដំណើរការវាតាមរបៀបណា ហើយត្រូវវាអនុវត្តឱ្យបានគ្រប់គ្រាន់នូវជម្រើស នៃការវិនិយោគផ្សេងទៀត ដើម្បីឱ្យវាមានតម្លៃនឹងមានភាពជោគជ័យលើវិស័យមួយនេះ៕
