ប្រសិនអ្នកចាប់ផ្តើមអាជីវកម្មខ្នាតតូច ឬដំបូង វាមិនមែនជាការសម្រេចរឿងតូចទេ ព្រោះអ្នកត្រូវលះបង់ និងជួបឧបសគ្គជាច្រើនរាប់មិនអស់ ដែលម្ចាស់អាជីវកម្មនានាស្ទើរតែប្រឈមមុខនឹងបញ្ហា ៨៤ ភាគរយនៃម្ចាស់អាជីវកម្មខ្នាតតូច ឬធំ ដែលត្រូវធ្វើ។ ​

មនុស្សមួយចំនួនតែងតែចង់រកស៊ី ចង់មានអាជីវកម្មផ្ទាល់ខ្លួន ដោយពួកគេមិនបានគិតពីឧបសគ្គផលវិបាកច្រើនទ្បើយ ដោយសំអាងថា បើពួកគេបរាជ័យ ពួកគេនឹងទទួលបានបទពិសោធន៍ដើម្បីជោគជ័យនៅថ្ងៃក្រោយ ។ វាគឺជាពាក្យស្លោកដែលនិយមសម្រាប់មនុស្សដែលទើបនឹងចាប់ផ្តើមអាជីវកម្មថ្មីដំបូល ។ ប្រសិនជាអ្នកមានលុយវាមិនមែនជាបញ្ហានោះទេ ប៉ុន្តែប្រសិនអ្នកលក់ទ្រព្យសម្បត្តិ ឬខ្ចីលុយគ្រួសារ ធនាគារ មិត្តភក្តិ …ដើម្បីរកស៊ី វាជារឿងផ្សេងមួយទៀតដែលអ្នកត្រូវគិតឲ្យច្បាស់មុនសំរេចចិត្ត ។

 

ពាក្យស្លោក “បើពួកគេបរាជ័យ ពួកគេនឹងទទួលបានបទពិសោធន៍” អ្នកត្រូវគិតថា វាត្រូវនឹងប្រធានបទអ្នកដែរ ឬទេ? មនុស្សមួយចំនួនស្ទើរតែយកលុយបោះចោលដោយគេគិតបែបនេះ វាធ្វើឲ្យពួកគេនៅតែរំពឹងថ្ងៃក្រោយ ដោយមិនដាក់ចិត្តធ្វើវាឲ្យអស់ពីចិត្ត ។ អ្នកត្រូវគិតថា ពេលវេលាមិនរង់ចាំអ្នកទ្បើយ បើអ្នកនៅតែអាងរឿងបទពិសោធន៍ ។ មុនអ្នកសំរេចចិត្តធ្វើអាជីវកម្ម អ្នកត្រូវប្រាកដចិត្តថា អ្នកអាចស្វែងរកភាពជោគជ័យក្នុងអាជីវកម្មរបស់អ្នក ទោះបីពេលនេះកំពុងជួយឧបសគ្គ ។ នេះគឺជារឿងទាំង ១០ ដែលអ្នកត្រូវធ្វើមុនពេលចាប់ផ្តើមអាជីវកម្ម៖

 

១. ស្វែងរកចំណង់របស់អតិថិជន

តើអតិថិជនកំពុងដោះស្រាយបញ្ហាអ្វីខ្លះ? ដែលអតិថិជនសក្តានុពលសុខចិត្តចំណាយ?

នេះត្រូវបានគេហៅថាការស្នើសុំតម្លៃ ឬផ្តល់ជំនួយដល់ពួកគេ។ ម៉្យាងទៀតហេតុអ្វីបានជាអាជីវកម្មរបស់អ្នកដំណើរការ និងហិរញ្ញវត្ថុជោគជ័យ?

 

២. ផ្តោតលើអតិថិជន និងយល់ពីទីផ្សារឱ្យបានពេញលេញ

មានឧទាហរណ៍ជាច្រើននៃក្រុមហ៊ុនដែលមិនមានផលិតផល ឬ សេវាកម្មល្អបំផុត! ឬមិនមានទីផ្សារដំបូង ប៉ុន្តែទទួលបានជោគជ័យខ្លាំង ព្រោះពួកគេបានស្ទាត់ជំនាញ ផ្នែកទីផ្សារ និងការលក់។

ស្រាវជ្រាវអំពីចិត្តសាស្ត្រនៃអតិថិជនសក្តានុពលរបស់អ្នកនិង ស្វែងយល់ពីទម្លាប់ទិញរបស់ពួកគេ ។ មើលដៃគូប្រកួតប្រជែងជជែកជាមួយអាជីវកម្មស្រដៀងគ្នា រកមើលគេហទំព័ររបស់គូប្រជែងរបស់អ្នក និងយល់ពីអ្វីដែលអតិថិជនកំពុងនិយាយអំពីពួកគេនៅក្នុងបណ្តាញសង្គម។

 

៣. ចាប់ផ្តើមពីតូចហើយធំឡើង 

បើអ្នកអាចធ្វើបានដល់ចំនុចនេះ ចូររកគំរោងហិរញ្ញវត្ថុដោយខ្លួនឯង ដោយចាប់ផ្តើមពីអាជីវកម្មពីតូច រហូតអាចរីកចម្រើន។ វាមានន័យថាឱ្យអ្នកបំបែកផលិតផល / សេវាកម្មរបស់អ្នកទៅជាបំណែកតូចៗ ដល់អតិថិជន មុនពេលចាប់ផ្តើមអាជីវកម្មពេញលេញ ដូច្នេះអ្នកអាចផ្តល់ហិរញ្ញវត្ថុក្នុងដំណាក់កាលដំបូង និងទទួលបានបទពិសោធន៍ខ្លះៗ ។

 

៤. ស្វែងយល់ពីភាពខ្លាំងជំនាញ និងពេលវេលាដែលមាន

នៅពេលចាប់ផ្តើមដំណើរការអាជីវកម្មត្រូវដឹងថាពេលណាអ្នកត្រូវការចូលរួមជាមួយ គណនេយ្យករ មេធាវី ភ្នាក់ងារធានារ៉ាប់រង ជំនាញទីផ្សារ ផ្នែកលក់ អ្នករចនាគេហទំព័រឬវិជ្ជាជីវៈផ្សេងទៀត។ នេះនឹងជាការចាប់ផ្តើមដំណើរការគ្រប់គ្រងរបស់អ្នកជាម្ចាស់អាជីវកម្ម។ អ្នកអាចស្វែងរកដៃគូទំនាក់ទំនងថេរជាមួយអ្នកពិគ្រោះយោបល់ផ្នែកទីផ្សារ ដើម្បីជួយអ្នកក្នុងការចាប់ផ្តើមសេវាកម្មផ្សេងៗ។

 

៥. ព័ទ្ធជុំវិញខ្លួនអ្នកជាមួយទីប្រឹក្សា និងអ្នកណែនាំ

ការបើកដំណើរការ និងឈានដល់ការរីកចម្រើនអាជីវកម្ម គឺវាជារឿងពិបាកហើយ! អាចថាជាងពាក់កណ្តាល ជោគជ័យ និងបរាជ័យក្នុងរយៈពេល ៥ ឆ្នាំ ។

គ្មាននរណាម្នាក់អាចមានចំណេះដឹងបទពិសោធន៍ ឬសូម្បីតែទស្សនវិស័យដើម្បីដោះស្រាយរាល់ស្ថានភាពអាជីវកម្មជួបប្រទេះបានរហូតនោះទេ។ អ្នកអាចសិក្សាស្វែងរកពីជំនាញ និងបទពិសោធន៍របស់អ្នកដទៃ ដើម្បីជាភាពងាយស្រួលក្នុងការដោះស្រាយបញ្ហា។

 

៦. ឧស្សាហ៍ចូលរួមសិក្ខាសាលាពីអាជីវកម្ម ឬបច្ចេកវិទ្យា ដែលវាមានប្រយោជន៍ដល់អាជីវកម្មអ្នក

មិនមែនសិក្ខាសាលាជោគជ័យដែលបង្រៀនឲ្យអ្នកដើរក្នុងភ្លើងនោះទ្បើយ ។ អ្នកគួរចូលរួមសិក្ខាសាលាពីអាជីវកម្ម ឬបច្ចេកវិទ្យា ដែលវាមានប្រយោជន៍ដល់អាជីវកម្មអ្នកដែលឥតគិតថ្លៃ ឬមានតម្លៃសមលម្មជាច្រើនដែលផ្តោតលើការជួយសហគ្រិនឱ្យចាប់ផ្តើម និងរីកចម្រើនដោយជោគជ័យនូវជំនួញ។

 

៧. សរសេរផែនការអាជីវកម្ម

ការចាប់ផ្តើមអាជីវកម្ម គឺពិបាក និងប្រថុយប្រថោងណាស់។ វាងាយស្រួលក្នុងការចំណាយពេលវេលា និងធនធានទាំងអស់របស់អ្នក។ មុនពេលអ្នកចាប់ផ្តើមគិតថា តើអ្នកនឹងមានអាជីវកម្មប្រភេទណា។ តើវានឹងក្លាយជាសហគ្រាសជាដៃគូក្រុមហ៊ុន ឬអិលឌីស៊ី។ បន្ទាប់មកដាក់ផែនការរបស់អ្នកជាមួយគ្នា។ មានផែនការសរសេរជាមួយលទ្ធផលដែលបានគ្រោងទុក និងគោលដៅផ្ទាល់ខ្លួនរបស់អ្នកគឺជាវិធីល្អបំផុតដើម្បីបន្តដំណើរទៅមុខទៀត។

ឧទាហរណ៍អាជីវកម្មរបស់អ្នកអាចរកប្រាក់ចំណេញបាន ២០,០០០ ដុល្លារ។ ប៉ុន្តែប្រសិនបើអ្នករស់នៅក្នុងទីក្រុងជាអ្នកចិញ្ចឹមគ្រួសារ និងប្រហែលមានឪពុកម្តាយវ័យចំណាស់ហើយកំពុងព្យាយាមសន្សំប្រាក់ និងក្មេងៗត្រៀមចូលមហាវិទ្យាល័យ ប្រហែលជា ២ ម៉ឺនដុល្លារគឺមិនគ្រប់គ្រាន់ទេ។

ផែនការអាជីវកម្មមួយ នឹងដាក់គំនិតរបស់អ្នកឱ្យបានច្បាស់និងជួយអ្នកក្នុងការកំណត់កន្លែងដើម្បីផ្លាស់ប្តូរគំរូអាជីវកម្មនៅពេលចាំបាច់។

 

៨. ស្គាល់ចំនួនតួលេខការចំណាយរបស់អ្នក

ត្រូវយល់ច្បាស់អំពីការចំណាយ ចាប់ផ្តើមការលក់ប្រាក់ចំណេញ លំហូរសាច់ប្រាក់ និងការវាស់វែងជាក់លាក់ដែលទាក់ទងនឹងអាជីវកម្មរបស់អ្នក។ អ្នកនឹងធ្វើការសំរេចចិត្តជាច្រើននៅពេលឆាប់ៗនេះហើយការដឹងពីលេខ សេដ្ឋកិច្ចជំនួញ នឹងជួយធានាថាអ្នកធ្វើការសម្រេចចិត្តត្រឹមត្រូវ។

ស្វែងរកមធ្យោបាយដើម្បីកាត់បន្ថយថ្លៃដើមដែលអ្នកអាចធ្វើបាន។ ប្រើឧបករណ៍ដែលមានប្រសិទ្ធិភាពចំណាយដូចជា ទីផ្សារអ៊ីម៉ែល និងប្រព័ន្ធផ្សព្វផ្សាយសង្គមដើម្បីជំរុញការយល់ដឹងជាជាងវិធីសាស្ត្រផ្សាយពាណិជ្ជកម្មតាមបែបប្រពៃណីដែលមានតម្លៃថ្លៃជាង។

 

៩. កុំគិតថា “វាប្រហែលមិនអាចទៅរួច”

កុំមើលស្រាលរឿងមួយនេះ អ្នកនឹងប្រឹងប្រែងដើម្បីរាល់សមិទ្ធិផលរបស់អ្នក។ ក្នុងនាមជាម្ចាស់អាជីវកម្មខ្នាតតូច គឺជាការងារមួយដែលលំបាកបំផុត។ នៅក្នុងការស្ទង់មតិថ្មីៗនេះ 40 ភាគរយ នៃម្ចាស់អាជីវកម្មខ្នាតតូចបាននិយាយថាពួកគេមិនមានវិស្សមកាលទ្បើយ ហើយមិនមានប្រាក់គ្រប់គ្រាន់នឹងអាជីវកម្មរបស់ពួកគេ។

 

១០. មានចំណង់ចំណូលចិត្តចំពោះអ្វីដែលអ្នកកំពុងធ្វើ

ក្នុងនាមជាស្ថាបនិកអាជីវកម្មអាចមានភាពឯកកោខ្លាំងណាស់ហើយមិនមានម៉ោងគ្រប់គ្រាន់ក្នុងមួយថ្ងៃដើម្បីសំរេចកិច្ចការទាំងអស់នោះទេ។ ពីភាពជោគជ័យធំ ៗ រហូតដល់ការធ្លាក់ចុះដ៏ធំ ប្រសិនបើអ្នកមិនមានការជំរុញដោយចំណង់ចំណូលចិត្តនៅគ្រប់ជំហាននៃការងារអាជីវកម្មរបស់អ្នក នោះកាន់តែពិបាកហើយ ។ ត្រង់ចំនុចនេះហើយ ដែលអ្នកចាប់ផ្តើមអាជីវកម្មដំបូល តែងតែយកពាក្យស្លោក “បើពួកគេបរាជ័យ ពួកគេនឹងទទួលបានបទពិសោធន៍ដើម្បីជោគជ័យនៅថ្ងៃក្រោយ” ។ 

 

ដូច្នោះវាជារឿងពិបាកណាស់ក្នុងការធ្វើអាជីវកម្មមួយៗ អ្នកគួរត្រូវមានការជំរុញទឹកចិត្ត និងចំណង់ចំណូលចិត្តក្នុងការធ្វើអាជីវកម្មរបស់អ្នក ដើម្បីអាជីវកម្មជោគជ័យរបស់អ្នក។ កុំអស់សង្ឈឹមមកដល់ពេលនេះហើយ អ្នកមានភាពជោគជ័យរួចបានទៅហើយ ដោយចំណង់ចំណូលចិត្តក្នុងអាជីវកម្ម ៕