ប្រសិនបើអ្នកបានអានសៀវភៅពាណិជ្ជកម្មញឹកញាប់ ឬវេទិកាអ្នកជំនាញលើអ៊ីនធឺណិត និងខាងក្រៅ អ្នកប្រហែលជាឆ្ងល់ ឬធ្លាប់លឺពាក្យ B2B ក្នុងប្រភេទអាជីវកម្មនានា ។
តើ B2B គឺជាអ្វី? អាជីវកម្មប្រភេទ B2B ពាក្យពេញជាភាសាអង់គ្លេសគឺ Business to Business វាគ្រាន់តែមានន័យថា “ជំនួញដើម្បីអាជីវកម្ម” ដែលសំដៅទៅលើក្រុមហ៊ុនណាមួយដែលផ្តោតលើការលក់ផលិតផល ឬសេវាកម្មដល់អាជីវកម្មផ្សេងទៀត ជាជាងអ្នកប្រើប្រាស់ (អតិថិជន)។ ដែលជាទម្រង់នៃការធ្វើជំនួញរវាងអាជីវកម្មមួយ និងអាជីវកម្មមួយទៀតដែលមិនមែនជាអថិតិជន ។
តើក្រុមហ៊ុន B2B ជាអ្វី?
ក្រុមហ៊ុន B2B គឺជាសហគ្រាសគាំទ្រដែលផ្តោតលើការលក់ផលិតផល ឬសេវាកម្មដល់អាជីវកម្មផ្សេងទៀត ដើម្បីដំណើរការ និងរីកចំរើន។ នេះវាផ្ទុយទៅនឹង Modle ពាណិជ្ជកម្មទៅអ្នកប្រើប្រាស់ Business to Customer (B2C) ដែលលក់ដោយផ្ទាល់ទៅអតិថិជនម្នាក់ៗ និង Modle អតិថិជនទៅពាណិជ្ជកម្ម Customer to Business (C2B) ដែលអ្នកប្រើប្រាស់ចុងក្រោយបង្កើតផលិតផល ឬផ្តល់សេវាកម្មសម្រាប់អាជីវកម្ម ។ ក្រុមហ៊ុន B2B មានទស្សនិកជនគោលដៅខុសគ្នាទាំងអស់។ ពួកគេផ្តល់ជូននូវវត្ថុធាតុដើមផ្នែកកញ្ចប់សេវាកម្មឬការពិគ្រោះយោបល់ដែលអាជីវកម្មផ្សេងទៀតត្រូវការប្រតិបត្តិការ, រីកចម្រើន និងរកប្រាក់ចំណេញ។
ការលក់ B2B ខុសគ្នាពីការលក់ B2C
- ការលក់ B2B គឺខុសពី ការលក់ B2C នៅក្នុងវិធីមួយចំនួន។ ភាពខុសប្លែកដ៏ធំបំផុតនោះ គឺថាអ្នកនឹងត្រូវមានជំនាញដោះស្រាយបញ្ហាផ្សេងទាំងសេវាកម្ម និងផលិតផល ជាមួយអាជីវកម្មផ្សេងទៀត ដោយមានជំនាញវិជ្ជាជីវៈ ឬដឹកនាំបង្កើតការលក់ទៅអតិថិជន B2B ។ ការលក់ B2B តែងតែទាមទារឱ្យមានវិជ្ជាជីវៈខ្ពស់ជាងការលក់ B2C ។ អ្នកត្រូវស្លៀកពាក់ និងមានអាកប្បកិរិយាជាផ្លូវការដើម្បីទទួលបានជោគជ័យក្នុងទំនុតចិត្តផ្នែកអាជីវកម្ម។
- ចំណែក B2C សំដៅទៅលើដំណើរការនៃការលក់ផលិតផល និងសេវាកម្មដោយផ្ទាល់រវាងអ្នកប្រើប្រាស់នៃផលិតផល ឬសេវាកម្ម។ ក្រុមហ៊ុនភាគច្រើនដែលលក់ដោយផ្ទាល់ទៅអតិថិជនសិត្ថក្នុងក្រុមហ៊ុន B2C ។ B2C បានក្លាយជាប្រជាប្រិយភាពយ៉ាងខ្លាំងអំឡុងពេលការរីកចម្រើនឥតឈប់ឈរនៅចុងទសវត្សឆ្នាំ 1990 នៅពេលដែលវាត្រូវបានគេប្រើជាសំខាន់ដើម្បីសំដៅទៅលើអ្នកលក់រាយតាមអនឡាញដែលបានលក់ផលិតផលនិងសេវាកម្មដល់អ្នកប្រើប្រាស់តាមរយៈអ៊ីធឺណិត៕
