ការទល់លាមកជាបញ្ហាទូទៅមួយនៅអំឡុងពេលមានផ្ទៃពោះ។ ប្រហែលជា៥០%នៃស្រ្តីមានផ្ទៃពោះមានអាការៈទល់លាមកនៅពេលណាមួយនៃការមានផ្ទៃពោះ។
មូលហេតុនៃការទល់លាមកសម្រាប់ស្ត្រីមានផ្ទៃពោះគឺដោយសារតែអរម៉ូនប្រូសេស្តេរ៉ូនកើនឡើង ដែលវាធ្វើឲ្យសាច់ដុំរលីងនៅក្នុងរាងកាយ រួមមានប្រព័ន្ធរំលាយអាហារសម្រាក។ ជាហេតុធ្វើឲ្យអាហារឆ្លងកាត់ពោះវៀនយឺត។
បញ្ហានេះអាចកើតមានកាន់តែញឹកញាប់នៅពេលជិតសម្រាលដោយសារតែសម្ពាធរបស់ស្បូនរីកធំសង្កត់ទៅលើចុងពោះវៀនធំ។ ការប្រើថ្នាំជាតិដែកក្នុងកម្រិតខ្ពស់ក៏អាចធ្វើឲ្យការទល់លាមកកាន់តែធ្ងន់ធ្ងរផងដែរ៕
ខាងក្រោមនេះជាវិធីដោះស្រាយបញ្ហាស្រ្តីពរពោះដែលជួបបញ្ហាទល់លាមក៖
• បរិភោគអាហារសំបូរសរសៃ៖ ការបរិភោគអាហារដែលសម្បូរដោយសរសៃ អាចធ្វើឲ្យអ្នកបន្ទោបង់បានស្រួល ។ អាហារដែលសម្បូរដោយសរសៃមានដូចជាកន្ទក់ ស្ពៃក្រោប ផ្លែបឺរី ផ្កាខាត់ណា សឺលឺរី(Celery) ផ្លែឈើស្រស់ បន្លែបៃតង ផ្សិត គ្រឿងក្នុង សណ្តែក គ្រាប់ធញ្ញជាតិ ស្រូវសាលីគ្រាប់រុក្ខជាតិ ដំឡូង សារ៉ាយសមុទ្រខ្ទឹមបារាំង។ល។
***ចៀសវាងការបរិភោគគ្រាប់ធញ្ញជាតិដែលត្រូវបានកែច្នៃរួចដូចជា នំប៉័ងធ្វើពីម្សៅ បាយស និងផាស្តាជាដើម។
• ញុំទឹកឲ្យបានច្រើន៖ ការខ្វះជាតិទឹកអាចបណ្តាលឲ្យទល់លាមក។ នៅពេលដែលខ្លួនប្រាណអ្នកខ្វះទឹក យន្តការនៃការរក្សាជាតិទឹកនឹង ធ្វើឡើងដោយធ្វើការស្រូបទឹកកាន់តែច្រើនពីកាកសំណល់ដែលមានក្នុងពោះវៀនធំរបស់អ្នក ហើយលាមកនឹងក្លាយទៅជារឹងជាងមុន។ ដូចនេះអ្នកគួរផឹកទឹក ៨កែវក្នុងមួយថ្ងៃ ដែលត្រូវគេចាត់ទុកថាជាបរិមាណដែលអាចឲ្យខ្លួនប្រាណយើងបាន។
• ឧស្សាហ៍ធ្វើលំហាត់ប្រាណ៖ ការធ្វើលំហាត់ប្រាណ ជាវិធីល្អបំផុតក្នុងការធ្វើឲ្យចលនាពោះវៀនដើរធម្មតាវិញ និងដោះស្រាយបញ្ហាទល់លាមក។ វាជួយឲ្យ ចលនាកន្ត្រាក់ចុះក្រោមរបស់ពោះវៀនមកធម្មតាវិញ នោះបញ្ហាទល់លាមកត្រូវបានដោះស្រាយ។ ការធ្វើសកម្មភាពរាងកាយ ធ្វើឲ្យសរីរាង្គខាងក្នុង មានសុខភាពល្អ បង្កើនការធ្វើមេតាបូលីស និងព្យាបាលបញ្ហាទល់លាមក។
• បរិភោគប្រេង៖ ប្រេងល្អ គឺសំខាន់សម្រាប់ការរក្សាទម្លាប់នៃការបន្ទោរបង់។ ប្រេងម៉ូណូ និងប៉ូលីសាក់ការីតដែលមាននៅក្នុងប្រេងផ្លែប៊័រ ប្រេងអូលីវប្រេងគ្រាប់ផ្លែឈើ ប្រេងនៃថ្លើមត្រីម័ររុយ ប្រេងធ្មៃ ប្រេងផ្កាព្រីមរ៉ូស(evening primrose) ប្រេងប្លេកខឺរ៉េន (blackcurrant) ឬប្រេងបូរ៉េក(borage oil) អាចជួយក្នុងពេលអ្នកទល់លាមក ដោយវាបង្កើនចលនារុញចុះក្រោមរបស់ពោះវៀន ៕
ដកស្រង់អត្ថបទដោយ Dr. Anna Roslyakova
