បញ្ហាមួយដែលអ្នកមិនសូវចាប់អារម្មណ៍ តែវាតែងកើតមានជាទូទៅ នូវផលរំខាននៃការមានផ្ទៃពោះ នោះគឺ ការហើមប៉ោង កជើង និង ប្រអប់ជើង។ បញ្ហានេះកើតទ្បើងដោយសារតែ ការឈរយូរ ឬអង្គុយយូរ, បរិមាណទឹកភ្លោះកើនទ្បើង, ការរីកធំរបស់ស្បូន ដែលធ្វើឲ្យសង្កត់ដល់របត់ឈាម មិនអាចហូរបានគ្រប់គ្រាន់ដល់ផ្នែកខាងក្រោមនៃរាងកាយ ប៉ុន្តែវាគ្មានអ្វីគួរឲ្យព្រួយបារម្ភទេ ជារឿងធម្មតាសម្រាប់ស្រ្តីមានផ្ទៃពោះ។
Advertisement
Advertisement
ទោះជាយ៉ាងណា សម្រាប់អាការៈដំបូងនេះ ស្ត្រីមានផ្ទៃពោះ អាចគួរទៅឲ្យគ្រូពេទ្យពិនិត្យ។ យ៉ាងណាមិញមានវីធីដ៏សាមញ្ញ មួយចំនួន អាចជួយអ្នកក្នុងការ កាត់ បន្ថយ នូវការអាការៈ ហើមប៉ោងកជើង និង ប្រអប់ជើងនេះបាន ៖
- កុំសូវអង្គុយយូរ ឬដើរយូរពេក ៖ អ្នកអាចសំរួលខ្លួនថ្នមៗ ដែលអ្នកចូលចិត្តដូចជា គេង ឬទ្រេតខ្លួន ។
- គេងផ្អៀងមកខាងឆ្វេងដៃ ៖ ដើម្បីកាត់បន្ថយការសង្កត់របស់ស្បូនទៅ លើសរសៃឈាមធំ។
- ការស្លៀកពាក់ ៖ ពាក់ស្បែកជើង ,ស្រោមជើង ឬ ខោអាវរលុងៗ ។
- ការទទួលទានអាហារ ៖ កុំសូវញ៉ាំអាហារប្រៃពេក ,គួរផឹកទឹកឲ្យបានច្រើន យ៉ាងហោចណាស់ ឲ្យបាន ៨ ទៅ ១០កែវ ក្នុងមួយថ្ងៃ ដើម្បីជួយបញេ្ចញសារធាតុរាវដែលលើស និង ជាតិ សូដ្យូមចេញមកក្រៅ។
- យកជើង ត្រាំក្នុងទឹកអំបិលក្តៅឧណ្ហៗ ៖ វិធីដ៏ស្រួលមួយក្នុងការបំបាត់ការហើមនៅប្រអប់ជើង និងកែងជើង គឺយកជើងត្រាំក្នុងទឹកអំបិលក្តៅឧណ្ហៗ។ ចូរលាយអំបិលកន្លះកូនចានចង្កឹះ ទៅក្នុងទឹកក្តៅឧណ្ហៗ ៣.៧លីត្រ រួចដាក់ជើងត្រាំប្រហែល ១៥នាទី។
- ដាក់ជើង និង ប្រអប់ជើងឲ្យខ្ពស់ ជាងខ្លួន ៖ វិធីនេះក៏អាចជួយអ្នក ក្នុងការកាត់បន្ថយនូវភាពហើមប៉ោង នៅត្រង់កជើង និង ប្រអប់ជើងបានផងដែរ ៕
