ទោះបីជំងឺអុតស្វាយ គឺជាជំងឺស្រាលក៏ដោយវាក៏អាចឆ្លងខ្លាំងហើយអាចបង្កឱ្យមានបញ្ហាគូរឲ្យព្រួយបារម្ភ មិនស្រួលចំពោះកូនរបស់អ្នកដែរ ។ តើអ្វីជារោគសញ្ញានៃជំងឺអុតស្វាយ?
តើអ្វីជារោគសញ្ញានៃជំងឺអុតស្វាយ?
ជាទូទៅរោគសញ្ញានៃជំងឺអុតស្វាយមានដូចជា៖
- មានកន្ទួលក្រហមលើស្បែក ដែលចាប់រាលដាលពីស្មងជើង ដល់ក មុខ និងអវយវៈផ្សេងទៀត (ប្រសិនបើអ្នកជំងឺមានសុខភាពល្អ កន្ទួលក្រហមមិនចេញលើដងខ្លួនច្រើននោះទេ តែបើអ្នកជំងឺមានសុខភាពខ្សោយវិញ កន្ទួលក្រហមនឹងចេញយ៉ាងច្រើនលើដងខ្លួនហើយអាចមានដំបៅនៅក្នុងបំពង់ក ជុំវិញភ្នែក និងភ្នាសដែលមានសំនើមរបស់បំពងបង្ហួរនោម រុន្ធគូទ និងទ្វាមាសជាដើម)។
- បន្ទាប់មករយៈពេលប្រមាណ ៧ ទៅ ១០ ថ្ងៃក្រោយ កន្ទួលទាំងនេះនឹងវិវត្តន៍ទៅជាពងបែកមានទឹកវិញ (Vesicles) នៅក្នុងមាត់ លើស្បែកក្បាល ជុំវិញភ្នែក និងប្រដាប់បន្តពូជជាដើម ដែលធ្វើឱ្យអ្នកជំងឺមានការឈឺចាប់ និងពិបាកទ្រាំដោយសាររមាស់។
- ក្ដៅខ្លួន ក្អកសួត ឈឺពោះ និងឈឺក្បាល។
- អស់កម្លាំង មានអារម្មណ៍មិនស្រួលខ្លួន និងរមាស់។
ទាក់ទងនឹងរោគសញ្ញានៃជំងឺអុតស្វាយនេះដែរ គេកត់សម្គាល់ខ្លាំងទៅកន្ទួលក្រហមនៅលើស្បែកដែលវិវត្តន៍ទៅជាពងទឹក។ បន្ទាប់មកពងទឹកបានបែកហើយក្លាយជាក្រមរគ្របពីលើពងទឹកដែលបែកនោះ ជាច្រើនថ្ងៃក្រោយមកទើបជាដូចដើមវិញ។
តើនរណាងាយកើតនិងឆ្លងជំងឺអុតស្វាយជាងគេ?
ជាទូទៅក្រុមមនុស្សដែលងាយកើត និងឆ្លងជំងឺអុតស្វាយគឺ៖
- អ្នកពុំធ្លាប់កើតជំងឺអុតស្វាយ
- ពុំបានចាក់វ៉ាក់សាំងការពារជំងឺអុតស្វាយ
- នៅក្បែរអ្នកជំងឺដោយផ្ទាល់
នេះជាអ្វីដែលយើងគិត និងចងចាំ ៖
កុំ ប្រើថ្នាំ Aspirin ឬថ្នាំអាស្ពីរីន។
ប្រើប្រាស់ថ្នាំ Telenol ដើម្បីបន្ថយកំដៅក្នងខ្លួនអ្នកជំងឺ ដាច់ខាតមិនត្រូវប្រើប្រាស់ថ្នាំង Aspirin ទេ។ ថ្នាំអាស្ពីរីនអាចបណ្តាលឱ្យមានការឆ្លងមេរោគលើស្បែកកាន់តែធ្ងន់ធ្ងរដែលហៅថាជម្ងឺ Reye’s Syndrome ។
កុំ ឲ្យពូកគាត់ព្យាយាមអេះរមាស់
ត្រូវកាត់ក្រចកដៃរបស់អ្នកជំងឺដើម្បីកុំអោយអ្នកជំងឺអេះ ហើយចំលងមេរោគផ្សេងៗទៀត។ ជំងឺអុតស្វាយវាធ្វើឲ្យរមាស់ ការអេះរមាស់ វាអាចបណ្តាលឱ្យមានស្នាម ឬចំលងមេរោគ។ អាចប្រើប្រាស់ក្រែម ឡេលាបលើស្បែកដើម្បីបង្កើតសំណើម និងបំបាត់ភាពរមាស់។
កុំ បញ្ជូនកូនរបស់អ្នកទៅសាលារៀនខណៈពេលដែលពួកគេកើតជំងឺអុតស្វាយ
ជាធម្មតារយៈពេល 5 ថ្ងៃបន្ទាប់ពីការចាប់ផ្តើមកន្ទួល។ ជំងឺអុតស្វាយគឺជាជំងឺឆ្លងខ្លាំងក្លាហើយបើទោះបីជាវាមានលក្ខណៈស្រាលនៅក្នុងកុមារក៏ដោយក៏អាចបង្កឱ្យមានផលវិបាកធ្ងន់ធ្ងរឆ្លងដល់ស្ត្រីមានផ្ទៃពោះ ទារក និងក្មេងដទៃ។
ធ្វើ ឱ្យកូនរបស់អ្នកមានសំណើម និងមានអនាម័យ
ការផឹកទឹកឱ្យបានច្រើននឹងជួយឱ្យរាងកាយរបស់ពួកគេកម្ចាត់វីរុសបានលឿន និងបង្ការការខះជាតិទឹក។ ត្រូវងូតទឹកអោយអ្នកជំងឺអោយបានច្រើនដងក្នុង១ថ្ងៃ ដើម្បីបំបាត់ភាពរមាស់ និងគ្របកន្សែងត្រជាក់ សើមលើស្បែក ។ ជាពិសេសគួរផ្លាស់ប្តូរសម្លៀកបំពាក់ញឹកញាប់ និងសំអាតកន្លែងគេងផងដែរ។
កុំឱ្យ ពួកគេស្លៀកសម្លៀកបំពាក់ដែលធ្វើឱ្យកាន់តែរមាស់
ពួកគេប្រហែលជាចង់ស្លៀកពាក់ក្រណាត់ទន់ៗ ដូចជាកប្បាសរលោង គឺល្អបំផុត។ វាជួយកាត់បន្ថយកុំឲ្យពួកគាត់រមាស់ និងមិនមានអារម្មណ៍មិនល្អ ។
ព្យាយាមតាមដានកន្ទួលក្រហម
គួរសាកសួរពិគ្រោះជាមួយគ្រូពេទ្យ បើសិនកន្ទួលក្រហមអុតស្វាយមិនធូរស្រាល ៕
ប្រភព : independent
