Breaking News :

nothing found

ក្នុងរដូវវស្សានេះ អ្នកគួរដឹងពេលបើកឡានកាត់ផ្លូវលិចទឹក ជៀសវាងការរលត់ម៉ាស៊ីន

នៅរដូវវស្សានេះ​ ភ្លៀងធ្លាក់ស្ទើរពាសពេញផ្ទៃប្រទេសធ្វើឲ្យតំបន់ខ្លះមានទឹកជន់ ឬលិចផ្លូវ ។ ការបើករថយន្តក្នុង​រដូវ​វស្សា​នេះវាជារឿងល្អដែលមិនធ្វើឲ្យអ្នកសើមខ្លួន ឬត្រូវទឹកភ្លៀង  ប៉ុន្តែអ្វីជាបញ្ហា គឺតាមដងផ្លូវអាចនឹងលិចទឹក ជាពិសេសពេលបើក​រថយន្តឆ្លងកាត់ អាច​បណ្ដាល​ឲ្យ​រថយន្តរលត់ មិន​អាច​ទៅណា​បាន​ជាហេតុលោកអ្នកត្រូវចំណាយអស់​ថ្លៃ​ស្ទួច និងជួស​ជុល​ច្រើន​ផង​ដែរ។

Advertisement
Advertisement

ខាងក្រោមនេះជា វិធីមួយចំនួននៅ​ពេលបើកទ្បានក្នុង​ទឹក​ជន់​តាម​ដង​ផ្លូវ​ដែល​លិច​ទឹកម្ដងៗ៖

 

១. ព្យាយាម​រក​ផ្លូវ​វាង

វាអាចជាវិធី​ល្អ​បំផុតដែលអ្នកស្វែងរក​ផ្លូវ​វាងផ្សេង ដែល​មិន​លិច​ទឹក ទោះបីជាអ្នកត្រូវ​បើកបររាងឆ្ងាយក៏ដោយ វាប្រសើរជាង​បញ្ចៀស​ហានិភ័យ​ក្នុង​ការ​រលត់​រថយន្ត​នៅក្នុងទឹកជន់ ដែលត្រូវ​ខាតបង់ពេលវេលា និងលុយកាក់។

 

២. ត្រូវដឹង​ពីជម្រៅទឹកឲ្យ​រថយន្ត​ផ្សេងទៅ​មុន

វាអាចហៅថា សុំផ្លូវគេដើរ ឬការពារហានិភ័យផ្សេងៗ បើសិនជា​អ្នក​ត្រូវ​តែ​បន្ត​ដំណើរ​ទៅ​មុខ​ទៀត អ្នក​ត្រូវ​ដឹង​ពី​កម្ពស់​ទឹក​ដែល​លិច​នោះ។ វិធី​ល្អ គឺ​អ្នក​អាច​សង្កេត​មើល​រថយន្ត​នៅ​ខាង​មុខ​បាន​ថា​តើ​កម្ពស់​ទឹក​នោះ​ជ្រៅ​កម្រិត​ណា ? ប៉ុន្តែអ្នកក៏ត្រូវដឹងពីប្រភេទរថយន្តនោះ ខ្ពស់ ឬទាបដូចរថយន្តអ្នកដែរ ឬទេ ។

 

៣. ឲ្យ​រថយន្ត​ផ្សេងទៅ​មុន

នេះ​ជា​រឿង​មួយ​ដែល​ចាំបាច់​ផង​ដែរ​ ព្រោះ​ថា​បើ​ជិះ​ទន្ទឹម​គ្នា​ ទឹក​អាច​សាច​ចូល​មក​ក្នុង​រថយន្ត​របស់យើង​បាន ឬ​ក៏​វា​អាច​ចូល​ក្នុង​ម៉ាស៊ីន​ពេល​រលក​ទឹក កើន​ឡើង​តាម​ល្បឿន​រថយន្ត​ ដែល​បើក​ក្បែរយើង។ បើ​សិន​ជា​រថយន្ត​គេ​ ជា​រថយន្ត​ធំ​ទៀត វា​រឺត​តែ​បង្ក​បញ្ហា​ធំ​ជាង​មុន​ ពេល​អ្នក​បើក​បរ​នៅ​ក្បែរ​វា។

 

៤. ព្យាយាម​បើក​កណ្ដាល​ទ្រូង​ផ្លូវ

នៅ​លើ​ដង​ផ្លូវ ផ្នែក​ខា​ង​ចិញ្ចើម​ទាំង​សង​ខាង ភាគច្រើន​ជា​កន្លែង​ដែល​ទឹក​ដក់​ជ្រៅ និង​ជាមាត់​លូ​ក៏​ថា​បាន។​ ដូច្នេះ​ អ្នក​បើកបរ​ទាំង​ឡាយ​គួរ​ព្យាយាម​បើក​បរ​មក​កណ្ដាល​ទ្រូង​ផ្លូវ ដែលវា​លិច​ទឹក​មិន​សូវ​ជ្រៅ ឬ​ក៏​មិន​លិច​ផងក៏​ថា​បាន។

 

៥. កុំ​បើក​លឿន​ពេក

ការ​បើក​បរ​ក្នុង​ទឹក ល្បឿន​លឿន​មិន​ត្រឹម​តែ​ធ្វើ​ឲ្យ​សាច​ទឹក​​ដល់​អ្នក​ដំណើរ​ដទៃ​ទេ ប៉ុន្តែ​វា​ក៏​ធ្វើ​ឲ្យកម្ពស់​ទឹក​ខាង​មុខ​កើន​ឡើង​អាច​ជ្រាប​ចូល​ក្នុង​ម៉ាស៊ីន​រថយន្ត និង​ធ្វើ​ឲ្យ​ក្រឡា​កង់​រថយន្ត​មិន​ខាំ ស៊ី​គ្នា​នឹង​ផ្លូវ​ទៀត​ផង។ បើ​សិន​ជា​អ្នក​ជ្រុល​បើក​លឿន ហើយ​មាន​អារម្មណ៍​ថា​ក្រឡា​កង់​រថយន្ត​​មិន​ជាប់​លើ​ផ្លូវ វិធី​ល្អ​នោះ​គឺកុំ​ជាន់​ហ្រ្វាំង ​ត្រូវ​ដក​ជើង​ចេញ​ពី​ហ៊្គែរ ហើយ​កាន់​ចង្កូត​ឲ្យ​ត្រង់​ សឹម​កង់ខាំជាមួយ​ថ្នល់ហើយ ចាំ​ប្រើហ្វ្រាំង​វិញ។

 

៦. កុំឈប់

ថ្វីត្បិត​តែ​អ្នក​ត្រូវ​បើក​យឺតៗ​មែន តែ​មិន​មែន​មាន​ន័យ​ថា​អ្នក​ត្រូវ​ឈប់​នៅ​ក្នុង​ទឹក​ជ្រៅ​នោះ​​ទេ។ ការ​ឈប់​នៅ​ក្នុង​ទឹក​ជ្រៅ​​ អាច​ធ្វើ​ឲ្យទឹក​ចូល​ក្នុង​បំពង់​ស៊ីម៉ាំងបាន ជា​ហេតុ​ធ្វើ​ឲ្យ​ម៉ាស៊ីនរលត់​ខូច និង​អស់​ថ្លៃ​ជួស​ជុល​ច្រើន។ វិធី​ល្អ​បំផុត​ គឺ​ជើង​របស់​អ្នក​គួរ​នៅ​ជាប់ហ៊្គែរ ហើយ​ជាន់​តិច​ៗ​ជានិច្ច​ដើម្បី​ឲ្យ​ម៉ាស៊ីនបញ្ចេញ​ផ្សែង​តាម​បំពង់​ស៊ីម៉ាំង​ រារាំង​ទឹក​មិនឲ្យ​ចូល​ម៉ាស៊ីន។

 

៨. ប្រការ​មិន​គួរ​ធ្វើ​ពេល​រថយន្ត​រលត់​ក្នុង​ទឹក

បើ​សិន​ជា​រថយន្ត​អ្នក​រលត់​នៅ​ក្នុង​ទឹក​នោះ អ្នក​មិន​ត្រូវ​បើក​ទ្វារ​ចេញ​ឡើយ ហើយ​ក៏​មិន​គួរ​បញ្ឆេះ​ម៉ាស៊ីនរថយន្ត​ឡើង​វិញ​ដែរ។ បើ​សិន​ជា​អ្នក​បើក​ទ្វារ វា​អាច​ឲ្យ​ទឹក​ខាង​ក្រៅ​ហូរ​ចូល​មក​ក្នុង​រថយន្ត​ពេញ​ទំហឹង ហើយ​ការប្រឹង​បញ្ឆេះរថយន្ត ក៏​អា​ច​ធ្វើ​ឲ្យ​រថយន្ត​ទាំង​មូល​ខូច​ប្រព័ន្ធ​ភ្លើង និង​ម៉ាស៊ីន​ឈ្លក់​ទឹក​ផង​ដែរ ដែល​ពួក​វាសុទ្ធ​តែ​ជា​ការ​ចំណាយ​ដ៏ច្រើន​ទាំង​អស់។​ វិធី​ដែល​ល្អគឺ​តេ​ហៅ​រក​ជំនួយ ឬ​ចាំ​ដល់​ទឹក​ស្រក​ខ្លាំង​សឹម​ចេញ​ក្រៅ​រថយន្ត​ និង​រក​ជំនួយ។

 

0 0 votes
Article Rating

Chaw Nhchy

សួស្ដី! ខ្ញុំ startup editor បេសសកម្មធំបំផុតរបស់ខ្ញុំ គឺពាំនាំនូវគន្លឺះ ,ព័ត៌មានអំពីគំនិតអាជីវកម្ម ,ភាពជោគជ័យ និងការកម្សាន្ត មកចែករំលែងនៅខេមបូដេលីនេះ ដើម្បីជាការលើកទឹកចិត្ត និងការស្វែងយល់ជូនទៅដល់ប្រជាជនខ្មែរ ។លោកអ្នកមានបំណងចង់ផ្សព្វផ្សាយអាជីវកម្មនៅទីនេះ ឬចង់ចែករំលែកគំនិតរបស់អ្នក សូមទំនាក់ទំនងមកកាន់ខ្ញុំបាទតាមរយៈ Telegram: 093 822 080 ។ សូមអរគុណ!

Read Previous

ស្គាល់ពីគ្រឹះនៃវប្បធម៌ ប្រសើរជាជាងផ្អើលតាមស្ថានការណ៍

Read Next

​ក្រុមហ៊ុន Nokia ប្រកាស​ដាក់​ឲ្យ​ដំណើការ​ជា​ផ្លូវការ​នូវ​ប្រព័ន្ធ​បណ្ដាញ​ 5G ក្នុង​សហរដ្ឋ​អាមេរិក​

Subscribe
Notify of
guest
0 Comments
Inline Feedbacks
View all comments