យោងតាម សេចក្តីប្រកាសរបស់ក្រសួងសុខាភិបាល បានឲ្យដឹងថា ក្រសួងបានរកឃើញករណីវិជ្ជមានមេរោគ Covid-19 ចំនួន២ករណីទៀត នៅរាជធានីភ្នំពេញ នៅលើជនជាតិកាណាដា វ័យ៤៩ឆ្នាំ និងជនជាតិប៊ែលហ្សិក អាយុ៣៣ឆ្នាំ។ ក្រសួងសុខាភិបាលសម្រេចអោយបិទសាលា CIS សាខាកោះពេជ្រ ក្រោយរកឃេីញបុរសជនជាតិកាណាដា ដែលជាគ្រូបង្រៀននៅសាលានោះ ឆ្លង COVID-19! ដោយឡែកជនជាតិប៊ែលហ្សិក ជាបុគ្គលិកអង្គការអន្តរជាតិមួយ ក៏ត្រូវបាននាំមកព្យាបាលដាច់ដោយឡែកនៅមន្ទីរពេទ្យមិត្តខ្មែរ-សូវៀត ៕
ក្រសួងក៏បានស្នើរដល់លោកគ្រូ អ្នកគ្រូ និងសិស្សនៅសាលារៀនមួយនេះ បន្តតាមដានសុខភាពខ្លួនឯងរយៈពេល ១៤ថ្ងៃបន្ទាប៉ពិរករកវិរុសកូវិដ ១៩លោកបុរសវ័យ៤៩ឆ្នាំរូបនេះ ។ ក្រសួងបន្តស្រាវជ្រាវរកអ្នកប៉ះពាល់ផ្ទាល់ និងប្រយោលជាមួយបុរសវ័យ៤៩ឆ្នាំនេះ ។
បុរសកាណាដាម្នាក់នេះ គាត់បានធ្វើដំណើរទៅប្រទេសថៃ ហើយត្រលប់មកដល់កម្ពុជាវិញនៅថ្ងៃទី៩ខែមីនានេះ ក្រោយមកនៅថ្ងៃទី១១ មីនា គាត់មានអាការៈមិនសូវស្រួលខ្លួន នៅថ្ងៃទី១២មីនា គាត់ក៏បានទៅរកពេទ្យធ្វើតេស្ត រហូតថ្ងៃទី១៣ មីនាលទ្ធផលតេស្តគឺគាត់បានឆ្លងវីរុសកូវេដ១៩ ។ បុរសកាណាដាវ័យ៤៩ឆ្នាំរូបនេះ បានសុំឃុំខ្លួនដោយឡែកនៅផ្ទះ ។
ចំណែកជនជាតិប៊ែលហ្សិក បំរើការងារនៅអង្គការមួយ ហើយកំពុងស្នាក់នៅព្យាបាលមន្តីរពេទ្យមិត្តភាពខ្មែរសូរៀត ។
សូមជំរាបថា កាលពីល្ងាចថ្ងៃទី១៣មីនា ក្រសួងសុខាភិបាលបានរកឃើញបុរសកាណាម្នាក់ និងបុរសជនជាតិប៊ែលហ្សិក ម្នាក់បានឆ្លងវីរុសកូវិដ ១៩ ៕
