នៅខេត្តសៀមរាប នាល្ងាចថ្ងៃសៅរ៍ ទី០៧ ខែមីនា ឆ្នាំ២០២០ ក្រសួងសុខាភិបាល បានធ្វើសន្និសីទសារព័ត៌មានបន្ទាន់មួយ ពាក់ព័ន្ធបញ្ហាជំងឺ Covid-19 ។ រដ្ឋមន្រ្តីក្រសួងសុខាភិបាល ម៉ម ប៊ុនហេង បានប្រកាសថា បុរសម្នាក់ជនជាតិខ្មែរ អាយុ៣៨ឆ្នាំ បានឆ្លងជំងឺ Covid-19 ពីបុរសជនជាតិជប៉ុន ។
ទីបំផុត កម្ពុជាបានរកឃើញមេរោគកូវីត១៩ មួយករណីទៀត នៅលើខ្លួនបុរសជនជាតិខ្មែរម្នាក់ក្នុងចំណោម៤នាក់ ដែលធ្វើការស្និទ្ធជាមួយជនជាតិជប៉ុនឆ្លងមេរោគកូរ៉ូណាថ្មី ដែលចាកចេញពីខេត្តសៀមរាប នៅកាន់ប្រទេសជប៉ុន កាលពីពេលថ្មីៗនេះ។
យោងតាមសារព័ត៌មានវៀតណាមបានផ្សាយកាលពីយប់មិញ ថាជនជាតិជប៉ុនម្នាក់ដែលធ្វើដំណើរតាមយន្តហោះចេញពីខេត្តសៀមរាប ទៅកាន់ទីក្រុងហូជីមិញប្រទេសវៀតណាម មុនបន្តដំណើរទៅកាន់ទីក្រុងNagoya ប្រទេសជប៉ុននោះត្រូវបានតេស្តឃើញថាមានផ្ទុកវិរុស COVID-19 ពេលទៅដល់ជប៉ុន។ អ្នកដំណើរជនជាតិជប៉ុនរូបនោះមិនត្រូវបានបញ្ចេញអត្តសញ្ញាណនោះទេ គ្រាន់តែដឹងថាជនជាតិជប៉ុនរូបនេះបានធ្វើ់ដំណើរចេញពីខេត្តសៀមរាប តាមជើងហោះហើរមួយរបស់វៀតណាម ទៅចុះនៅទីក្រុងហូជីមិញកាលពីថ្ងៃអង្គារ មុនបន្តដំណើរទៅប្រទេសជប៉ុន ៕
