បើទោះបីជា Omicron បានវិវត្តយ៉ាងឆាប់រហ័ស និងឆ្លងជាងប្រភេទវីរុសបំប្លែងខ្លួនផ្សេងទៀតដល់ទៅ ៣ ទៅ ៤ ដងក្ដីប៉ុន្តែអត្រានៃការឆ្លងក្នុងចំណោមកុមារ បានកើនឡើងនៃចំនួនអ្នកឆ្លងជារៀងរាល់ថ្ងៃ ។
វេជ្ជបណ្ឌិត Passorn Bunyahotra គ្រូពេទ្យកុមារផ្នែកជំងឺឆ្លង មន្ទីរពេទ្យ Samitivej Sukhumvit នៅប្រទេសថៃ បញ្ជាក់ថា បើប្រៀបធៀបអាការៈរបស់កុមារ ជាមួយមនុស្សធំ ដែលបានចាក់វ៉ាកសាំងកូវីដ វាហាក់ដូចមនុស្សពេញវ័យមានរោគសញ្ញាតិចជាង។
ដោយសារតែភាពធ្ងន់ធ្ងរនៃជំងឺនេះ ត្រូវបានកាត់បន្ថយក្រោយចាក់វ៉ាក់សាំងកូវីដ។ ប៉ុន្តែការពិត ភាពធ្ងន់ធ្ងរនៃ omicron លើកុមារ គឺកម្រណាស់។ ការសិក្សាបានរកឃើញថាការឆ្លង omicron ចំពោះកុមារគឺស្រាល។
ប៉ុន្តែវ៉ាក់សាំងកូវីដ នៅតែមានតម្រូវការសម្រាប់កុមារជាខ្លាំង ព្រោះកុមារត្រូវទៅសាលា។ ប្រសិនបើកុមារត្រូវបានឆ្លងដោយមិនដឹងខ្លួន នោះមេរោគនឹងរីករាលដាលយ៉ាងឆាប់រហ័ស ដូច្នេះការចាក់វ៉ាក់សាំងនឹងកាត់បន្ថយការរីករាលដាលនៃជំងឺ ហើយការផ្ទុះឡើងអាចគ្រប់គ្រងបាន។
លើសពីនេះទៀត ចំពោះកុមារដែលមានជំងឺពីកំណើតដូចជាជំងឺធាត់ ជំងឺបេះដូង ជំងឺផ្លូវដង្ហើម ត្រូវការវ៉ាក់សាំងបន្ថែមទៀត ព្រោះបើមានការឆ្លងមេរោគ អាចបង្កជារោគសញ្ញាធ្ងន់ធ្ងរ។
ដោយឡែក ចំពោះរោគសញ្ញា ដែលកើតឡើងបន្ទាប់ពីកុមារបានឆ្លង omicron នឹងបង្កឲ្យមានការរលាកដល់សរីរាង្គ និងប្រព័ន្ធនានាពាសពេញរាងកាយ ដោយសារប្រព័ន្ធភាពស៊ាំខ្ពស់ខុសប្រក្រតី។
អាចបណ្ដាលឲ្យមានរោគសញ្ញាមួយប្រភេទលេចចេញមុនគេ ដូចជា ក្តៅខ្លួនខ្លាំង ឡើងកន្ទួល ភ្នែកក្រហម បបូរមាត់ក្រហម ប្រសិនបើរោគសញ្ញាកាន់តែធ្ងន់ធ្ងរ ប្រហែលជាត្រូវបញ្ចូនកុមារ ចូលបន្ទប់សង្គ្រោះបន្ទាន់ (ICU )ក៏មាន ។
ដូច្នេះសូមពុកម៉ែដែលមានកូនតូចៗ ត្រូវយកកូនទៅចាក់វ៉ាក់សាំង នៅតាមទីតាំងជិតៗផ្ទះ ដើម្បីឲ្យកុមារមានភាពស៉ាំពីក្នុងខ្លួន ជួយការពារទាំងកូវីដផង និង វីរុសបំប្លែងខ្លួនផ្សេងទៀត ជាពិសេស omicron ដែលកំពុងរីករាលដាលពេញប្រទេស កម្ពុជា ៕
