យោងតាមសេចក្តីថ្លែងការណ៍ លោកហេង សួរ រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ ថ្លែងនៅក្នុងសន្និសីទសារព័ត៌មាន នាថ្ងៃទី២៧ ខែកុម្ភៈ ឆ្នាំ២០២០ នេះថា « នៅដើមខែមីនាខាងមុខនេះតាមការព្យការណ៍និងវាយតម្លៃជាក់ស្តែងនៅក្នុងឥទ្ធិពលវីរុសកូរ៉ូណានេះ គឺយើងបានដឹងថាអាចនៅដើមខែ៣ (មីនា) ខាងមុខនេះគឺអាចមានរោងចក្រសហគ្រាសជិត ២០០ដែលប្រឈមកង្វះនូវវត្ថុធាតុដើមហើយវាអាចប៉ះពាល់ទៅដល់កម្មករ និយោជិកក្នុងករណីអាក្រក់ខ្ទង់១៦ម៉ឺននាក់»។
លោកបានលើកឡើងថា «យើងក៏បានដឹងដែរថាសង្វាក់ផលិតកម្មនៅប្រទេសចិនក៏ចាប់ផ្តើមដំណើរការហើយរាជរដ្ឋាភិបាលក៏បានខិតខំប្រើប្រាស់នូវគ្រប់មធ្យោបាយទាំងទំនាក់ទំនងជាមួយអ្នកបញ្ជាទិញ, រោងចក្រក៏ដូចកម្រិតរដ្ឋាភិបាល និងរដ្ឋាភិបាល ធ្វើយ៉ាងម៉េចឱ្យរដ្ឋាភិបាលចិនផ្តល់អាទិភាពក្នុងផ្គត់ផ្គង់វត្ថុធាតុដើមនេះជូនមកប្រទេសកម្ពុជា ធ្វើម៉េចឱ្យរយៈពេលនៅកង្វះវត្ថុធាតុដើមនេះគឺមានរយៈពេលខ្លី» ៕
