Nissan គឺជាក្រុមហ៊ុនផលិតរថយន្ត ដែលបានបិទទ្វាររោងចក្រមួយរបស់ខ្លួនជាបណ្តោះអាសន្ននៅប្រទេសជប៉ុន ក្រោយពីមិនអាចទទួលបានគ្រឿងបន្លាស់ពីប្រទេសចិនបាន។ ក្រុមហ៊ុននេះបានបញ្ឈប់ផលិតកម្មខ្លួនកាលពី ពីរ-បីថ្ងៃមុន ក្នុងប្រទេសជប៉ុនដែលផលិតម៉ូដែល Nissan Serena និង X-Trail ។ ការប្រឈមមុខបញ្ហានេះដែរ គឺដោយសារតែវិស័យផលិតកម្មរបស់ប្រទេសចិនភាគច្រើនត្រូវបានចាក់សោរជាប់គាំងដោយសារតែវីរុស coronavirus ដែលជាហេតុមិនអាចផ្គត់ផ្គង់គ្រឿងបន្លាស់ទៅតាមបណ្តាប្រទេសផ្សេងៗ ។
រីឯក្រុមហ៊ុន Hyundai ក៏បានបិទរោងចក្ររបស់ខ្លួនជាបណ្តោះអាសន្នផងដែរ នៅប្រទេសកូរ៉េខាងត្បូងកាលពីសប្តាហ៍មុនដោយសារតែកង្វះខាតផ្នែកគ្រឿងបន្លាស់ពីប្រទេសចិន។ ជាក់ស្តែងក្រុមហ៊ុនផលិតរថយន្តធំៗ ជាច្រើននៅលើពិភពលោកកំពុងមានបញ្ហាការផ្គត់ផ្គង់រថយន្តធ្លាក់ចុះ ខណៈរោងចក្រនៅប្រទេសចិននៅតែបិទទ្វារ។ ប្រទេសចិនគឺជាប្រទេសផលិតថាមពលពិភពលោក និងជាផ្នែកសំខាន់មួយនៃខ្សែសង្វាក់ផ្គត់ផ្គង់សកលសម្រាប់ឧស្សាហកម្មផលិតរថយន្ត ដែលផលិតគ្រឿងបន្លាស់ និងគ្រឿងបន្លាស់សំខាន់ៗ។
នៅក្នុងសេចក្តីថ្លែងការណ៍មួយក្រុមហ៊ុន Nissan បាននិយាយថា “ដោយសារតែកង្វះការផ្គត់ផ្គង់គ្រឿងបន្លាស់ពីប្រទេសចិនក្រុមហ៊ុន Nissan Kyushu នៅប្រទេសជប៉ុននឹងធ្វើការកែសម្រួលផលិតកម្មបណ្តោះអាសន្ននៅថ្ងៃទី ១៤ និង ១៧ ខែកុម្ភៈ ” ៕
ប្រភព៖ https://www.bbc.com/
