ស្រុកព្រៃនប់៖ សមត្ថកិច្ចចម្រុះបង្ក្រាបជំនួញសត្វព្រៃមួយកន្លែងនៅឃុំសាមគ្គីស្រុកព្រៃនប់ រកឃើញសត្វព្រៃរស់និងសាច់សត្វព្រៃច្រើនប្រភេទ កាលពីព្រលប់ថ្ងៃទី១៧.១០.២០១៩ វេលា ១៦:២០នាទី ក្នុងនោះមានកិច្ចសហការរួមគ្នាពីកម្លាំងកងរាជអាវុធហត្ថស្រុកព្រៃនប់, កម្លាំងអន្តរាគមន៍បង្ក្រាបបទល្មើសសត្វព្រៃចល័តនៃរដ្ឋបាលព្រៃឈើ, កងរាជអាវុធហត្ថលើផ្ទៃប្រទេស, អង្គការសម្ព័ន្ធមិត្តសត្វព្រៃ (WILDLIFE ALLIANCE), មេភូមិបឹងរាំង, នគរបាលប៉ុស្តិរដ្ឋបាលឃុំសាមគ្គី, រដ្ឋបាលជលផល បានធ្វើការត្រួតពិនិត្យឆែកឆេរលំនៅដ្ឋានដែលមានទីតាំងនៅ ភូមិបឹងរាំង ឃុំសាមគ្គី ស្រុកព្រៃនប់ ខេត្តព្រះសីហនុ ដើម្បីរុករកវត្ថុតាងសត្វព្រៃ និងសំណាកសត្វព្រៃល្មើសខុសច្បាប់។
លទ្ធផលដកហូតវត្ថុតាងបទល្មើសសត្វព្រៃរួមមាន=
១/ សាច់ជ្រូកព្រៃស្រស់=100kg
២/ ត្រគួតរស់=22kg
៣/ ត្រគួតងាប់=13Kg
៤/ កុកសំបកទំពាំងងាប់=15ក្បាល
៥/ អណ្តើកភ្នំរស់=82ក្បាល=87kg
៦/ អណ្តើកសោមឈ្មោលរស់=128ក្បាល=94kg
៧/ អណ្តើកបិតមុខរស់=៤ក្បាល=03.50kg
៨/ ពស់ចាន់តាម៉មរស់=03kg។
ករណីនេះសមត្ថកិច្ចជំនាញបានចាត់ការតាមនិតិវិធីច្បាប់៕
