នាថ្ងៃទី ០៧ ខែមីនា ឆ្នាំ ២០២០ ក្រសួងសុខាភិបាលកម្ពុជា បានធ្វើសន្និសីទកាសែត ក្រោយរកឃើញជំងឺកូវីត១៩ដំបូង លើបុរសជនជាតិខ្មែរម្នាក់ ក្នុងចំណោម៤នាក់ ដែលធ្វើការស្និទ្ធជាមួយជនជាតិជប៉ុនឆ្លងមេរោគកូរ៉ូណាថ្មី ដែលចាកចេញពីខេត្តសៀមរាប នៅកាន់ប្រទេសជប៉ុន កាលពីពេលថ្មីៗនេះ។
ក្រោយពីបានរកឃើញមេរោគកូវីត១៩ មួយករណី លោកម៉ម ប៊ុនហេង រដ្ឋមន្ត្រីក្រសួងសុខាភិបាល បានប្រកាសថា សាលារៀនគ្រប់ជាន់ថ្នាក់តាំងពីបឋម រហូតដល់ឧត្តមសិក្សា ត្រូវបិទទ្វារផ្អាកបណ្តេះអាស្នន សម្រាប់តែសាលារៀននៅទីក្រុងសៀមរាបតែប៉ុណ្ណោះ និងលុបចោលកម្មវិធីសៀមរាបសង្ក្រាន្ត ក្នុងឆ្នាំនេះផងដែរ ដែលនេះជាការធ្វើតាមរាជរដ្ឋាភិបាល ។
សូមបញ្ចាក់ដែរថា មន្ត្រីសុខាភិបាលបានអះអាងថា មានមនុស្ស៤នាក់ជាអ្នកប៉ះពាល់ស្និត និងមនុស្ស៤០នាក់ទៀត ប៉ះពាល់ដោយប្រយោល ក្នុងនោះបុរសជនជាតិខ្មែរម្នាក់អាយុ៣៨ឆ្នាំ ដែលជាអ្នកស្និតនោះ បានឆ្លងវិរុសកូវិដ ១៩នេះ ចំណែកអ្នកផ្សេងៗទៀត គ្រូពេទ្យកំពង់ធ្វើការតាមដាន ៕
