នៅពេលប្រជាជនកម្ពុជា មិនទាន់ត្រៀមខ្លួនរួចរាល់សម្រាប់ទស្សនទាននៃការស្នាក់នៅតាមអាគារខ្ពស់ វត្តមានខុនដូកប់ពពកជាច្រើនបាននិងកំពុង សាង សង់ និងខ្លះបានបញ្ចប់ការសាងសង់ សម្រាប់ទីផ្សារថ្មីមួយដែលកំពុងមានភាពទាក់ទាញអ្នកវិនិយោគបរទេស ដែលពួកគេនៅតែមានសុទិដ្ឋិនិយមសម្រាប់ ទីផ្សារនេះ ប៉ុន្តែសំណួរកំពុងមានចម្លើយខុសៗគ្នា រវាងអ្នកជំនាញដែលកំពុងមានទស្សនៈចម្រូងចម្រាស់អំពីទីផ្សារនេះ។
ការផ្គត់ផ្គង់លើសតម្រូវការកំពុងកើតឡើងនៅក្នុងទីផ្សារខុនដូនៅទីក្រុងភ្នំពេញ និងក្រុងព្រះសីហនុ ត្រូវពឹងផ្អែកខ្លាំងលើអ្នកទិញជាជនបរទេស ជាពិសេសជនជាតិចិនដែលបានក្លាយជាទីផ្សារដ៏សំខាន់មួយក្នុងរយៈពេល ២-៣ ឆ្នាំ ចុងក្រោយនេះ។ របាយការណ៍បានឱ្យដឹងទៀតថា នៅចុងឆ្នាំ ២០១៨ ការផ្គត់ផ្គង់ខុនដូដែលមានតម្លៃសមរម្យនឹងកើនដល់ប្រហែលជា ៧,០៥៧ យូនីតពីចំនួន ៣,៥៣០ យូនីតនាពេលបច្ចុប្បន្នដែលកំពុងដំណើរការសាងសង់ដែលរំពឹងថា នឹងបញ្ចប់ក្នុងឆ្នាំ ២០២០ និងនៅឆ្នាំបន្តបន្ទាប់ទៀត។
ដោយឡែកការកើនឡើងបើធៀបនិងឆ្នាំ ២០១៩ នេះ គឺឃើញថាការបំផ្លាស់ប្តូរក្នុងការផ្គត់ផ្គង់ខុនដូមានការកើនឡើងជាបន្តបន្ទាប់គួរឱ្យកត់សំគាល់ខ្លាំងរយៈពេល ៥ឆ្នាំខាងមុខ ទីផ្សារកំពុងស្ថិតនៅក្នុងប្រកួតប្រជែងគ្នា ការផ្គត់ផ្គង់ខុនដូដ៏ច្រើនក្នុងរយៈពេលខ្លី ប៉ុន្តែនៅថ្ងៃអនាគតវាអាចជាទីផ្សារមួយ ដែលមានភាពប្រសើររស់បែបទំនើបនៅថ្ងៃអនាគត់៕
