Breaking News :

nothing found

លោកស្រីបាន សម្រស់ ជំនាញអចលនទ្រព្យ ចែកចំណេះដឹងខ្លីៗ ក្នុងការស្វែងរកទិញផ្ទះ

ដោយសារសព្វថ្ងៃប្រទេសកម្ពុជាមានសន្តិភាពពេញលេញ ក្រោមការដឹកនាំរបស់រាជរដ្ឋាភិបាល ដែលធ្វើសេដ្ឋកិច្ចកម្ពុជាកំពុងឈានឆ្ពោះទៅមុខយ៉ាងលឿន ដែលធ្វើឲ្យគម្រោងដីឡូតិ៍ ខុនដូ និងផ្ទះបានរីកដុះដាលយ៉ាងខ្លាំង ចាប់ពីតំបន់ជាយក្រុង តំប​ន់ក្បែរតំបន់ទីប្រជុំជន  និងតាមបណ្តោយផ្លូវជាតិសំខាន់ៗជាដើម ។ ប៉ុន្តែសម្រាប់អ្នកដែលចង់ស្វែងរកទិញផ្ទះជាលើកដំបូង ជាពិសេសក្នុងគំរោងបុរីជាដើម អ្នកក៏ត្រូវពិនិត្យឲ្យបានច្បាស់ផងដែរលើប៉ុន្មានចំនុចនេះ ជៀសវាងមានបញ្ហានៅថ្ងៃក្រោយ  នូវពត៌មានក្លែងក្លាយដូចជាទីតាំងគម្រោងជិតតំបន់អភិវឌ្ឍន៍  គម្រោងផ្លូវ រោងចក្រ  ដែលធ្វើឱ្យអ្នកទិញមិនបានស្វែងរកពត៌មានពិតប្រាកដ ឆាប់ជឿទិញបានយ៉ាងងាយ  ។

Advertisement
Advertisement

​ ដើម្បី​ជា​គន្លឹះ​ និងចែករំលែងចំណេះដឹងខ្លះៗសម្រាប់អ្នកទាំងអស់គ្នា​ក្នុងការសម្រេចចិត្តឱ្យបានល្អ​ក្នុងការទិញផ្ទះ លោកស្រី បាន សម្រស់ ដែលជាទីបឹក្សា និងជាជំនួយការផ្ទាល់របស់អគ្គនាយក្រុមហ៊ុនក្នុងវិស័យអចលនទ្រព្យមួយក្នុងប្រទេសកម្ពុជា បាន​ផ្តល់​បទ​សម្ភាសន៍​ខ្លីមួយ ដល់ខេមបូដេលីថា “អ្នកដែលចង់ទិញផ្ទះ  ​អាចមើលលើ ៥​ចំណុចនេះ ជៀសវាង​មានបញ្ហានៅថ្ងៃក្រោយ” ៖

 

១. មើលទីតាំង

កត្តាទីតាំងពិតជាមានសារៈសំខាន់ណាស់ក្នុងការផ្តល់ភាពងាយស្រួលក្នុងការរស់នៅដែលមានសុវត្ថិភាព និងងាយដាក់លក់បន្តដើម្បីបានចំណេញ ។ វាគឺជាកត្តាដ៏សំខាន់ដែលជះឥទ្ធិពលលើការឡើងថ្លៃតម្លៃអចលនវត្ថុនោះ និងមានការអភិវឌ្ឍន៍លឿន ។ ទោះជាយ៉ាងណា ក៏មានតំបន់មួយចំនួន អាចមិនមែនជាតំបន់សម្រាប់រស់នៅ ដែលជាកន្លែងដែលមានភាពមមាញឹកខ្លាំងទាំងការផលិត និងការដឹកជញ្ជូនដែលធ្វើឲ្យតំបន់នោះសំបូរដោយផ្សែងពុល ​និងមានសំលេងរំខាន​ជាដើម។

 

២. មើលគុណភាពសាងសង់

គុណភាពសំណង់ គឺជា​បញ្ហាចម្បងមួយដែលអ្នកទិញ គួរតែ​ប្រយ័ត្នប្រយែង ដែលអាចប៉ះពាល់​ដល់សុវត្ថិភាពរស់នៅ​របស់អ្នក និងប៉ះពាល់ដល់ការដាក់លក់បន្ត។​ អ្នកគួរតែទៅមើលផ្ទះដែលគេកំពុងសាងសង់ ឬសាកសួរពត៌មានអំពីភាពរឹងមាំគុណភាពសំណង់របស់ផ្ទះ ជៀសវាងការលិចជ្រាប ប្រេះបែក…។ ម៉្យាងទៀតក្រៅពីនេះ រឿងបន្ទាប់គឺ មើលទៅលើផ្លូវចូល ប្រព័ន្ធភ្លើង ទឹក លូ និងការទុកដាក់សំរាមជាដើម ដែលសុទ្ធតែជារឿងចាំបាច់ក្នុងការរស់នៅមានផាកសុខភាព ។

 

៣. ពិនិត្យមើលម៉ូឌ ឬគំរូផ្ទះ

ម៉ូឌផ្ទះគឺជារឿងដែលសំខាន់ផងដែរ​ សម្រាប់ការរស់បែបស៊ីវិល័យនៅសម័យថ្មីនេះ ព្រោះបើ​ម៉ូដផ្ទះ​មើលទៅស្អាតទាន់សម័យ ការរចនា​ខាងក្នុងទំនើបមានភាពទូលាយល្អ ព្រមទាំងមានកម្ពស់ខ្ពស់ស្រឡះ វាផ្តល់ភាពងាយស្រួលក្នុងការរស់នៅមានផាកសុខភាព និងជាពិសេសអាចដាក់លក់ ឬដាក់ជួសបន្តចេញបានលឿននៅពេលខាងមុខទៀត ។

 

៤. សាកសួរផែនការអភិវឌ្ឍន៍របស់ម្ចាស់គម្រោង

អ្នកត្រូវសាកសួរ ផែនការអភិវឌ្ឍន៍ ពីភាពច្បាស់លាស់របស់គម្រោងនីមួយៗ ថានឹងត្រូវធ្វើអ្វីបន្តទៀត ឬក្រោយបានបញ្ចប់គម្រាប់ទី១ ទី២…ជាដើម ដើម្បីក្លាយជាតំបន់អភិវឌ្ឍន៍ និងទាក់ទាញមនុស្សចូលមក រស់ នៅច្រើន។ គម្រោងទាំងនេះអាចមានដូចជា៖ ផ្សារ សួនច្បារ កន្លែងហាត់ប្រាណ ភ្លើងទឹកសាធារណៈ និងកន្លែងផ្សេងៗទៀតជាដើម ដែលជម្រុញសក្តានុពលទាក់ទាញមនុស្សឲ្យចូលមករស់នៅ ។

 

៥. ត្រួតពិនិត្យពីភាពស្រប​ច្បាប់សាងសង់ ឬលិខិតអនុញ្ញាតិសាងសង់

អ្នកគួរដឹងពីប្រវត្តិ ឬគម្រោងធ្លាប់ធ្វើពីមុនមួយចំនួនរបស់ក្រុមហ៊ុននោះ ​និង​សាកសួរ​អាជ្ញាធរ​មូលដ្ឋាន ឬម្ចាស់គំរោងលំនៅដ្ឋាន ដើម្បី​ត្រួត​ពិនិត្យ​​ភាព​ស្រប​ច្បាប់​របស់​គម្រោង ។

 

លោកស្រីក៏បានបញ្ជាក់ផងដែរថា “រាល់ចំណេះដឹងទាំងអស់នេះគឺជា បទពិសោធន៍ដែលអ្នកទិញបានជួបប្រទះ និងចំនុចមួយចំនួន ជាការចែករំលែងចំណេះដឹងខ្លះៗ ក្នុងការការសំរេចចិត្តមុនទិញផ្ទះ” ។ លោកស្រីបានបន្ថែមទៀតថា “ការទិញអចលទ្រព្យសុទ្ធតែមានក្បួនច្បាប់ត្រឹមត្រូវជាពិសេសការទិញផ្ទះ បើលោកអ្នកចង់បានចំណេញនៅពេលក្រោយត្រូវស្វែងយល់ និងតាមដានពត៍មានអចលនទ្រព្យនានា ឬអ្នកជំនាញផ្សេងៗក្នុងវិស័យនេះ ដើម្បីជាគន្លឺះនៅពេលក្រោយ ” ៕

 

 

 

 

 

 

5 1 vote
Article Rating

Chaw Nhchy

សួស្ដី! ខ្ញុំ startup editor បេសសកម្មធំបំផុតរបស់ខ្ញុំ គឺពាំនាំនូវគន្លឺះ ,ព័ត៌មានអំពីគំនិតអាជីវកម្ម ,ភាពជោគជ័យ និងការកម្សាន្ត មកចែករំលែងនៅខេមបូដេលីនេះ ដើម្បីជាការលើកទឹកចិត្ត និងការស្វែងយល់ជូនទៅដល់ប្រជាជនខ្មែរ ។លោកអ្នកមានបំណងចង់ផ្សព្វផ្សាយអាជីវកម្មនៅទីនេះ ឬចង់ចែករំលែកគំនិតរបស់អ្នក សូមទំនាក់ទំនងមកកាន់ខ្ញុំបាទតាមរយៈ Telegram: 093 822 080 ។ សូមអរគុណ!

Read Previous

៦ ជំហានការរៀបចំកំណត់ទីផ្សារគោលដៅអាជីវកម្មរបស់អ្នក

Read Next

ក្បួនរកស៊ី ៣ចំនុច របស់ JOE FRANKLIN កើបលុយបានរាប់ម៉ឺនដុល្លារ

Subscribe
Notify of
guest
0 Comments
Inline Feedbacks
View all comments