អំពីបច្ចេកវិទ្យា AI បានទាក់ទាញចំណាប់អារម្មណ៍បុគ្គលល្បីៗ និង សាមញ្ញជនជាច្រើន។ ជាក់ស្ដែងដូចជាថ្មីៗនេះធនាគារធំជាងគេរបស់អាល្លឺម៉ង់ Deutsche Bank បានប្រកាសអំពីការរៀបចំខាងបច្ចេកវិទ្យា AI នឹងជាអ្នកគ្រប់គ្រងដោយបច្ចេកវិទ្យានេះវិញ ។ Artificial Intelligence ឬហៅកាត់ថា AI គឺជាប្រព័ន្ធកុំព្យូទ័រមួយដែលអាចធ្វើកិច្ចការទាំងឡាយណា ដែលមនុស្សត្រូវប្រើបញ្ញាដើម្បីធ្វើទៅបាន។ មានការព្យាករណ៍ជាច្រើននិយាយអំពីមនុស្សរាប់លាននាក់អាចនឹងបាត់បង់ការងារនៅពេលខាងមុខ ដែល AI គឺជាហេតុផលសំខាន់។
ធនាគារធំជាងគេរបស់អាល្លឺម៉ង់ Deutsche Bank បានប្រកាសអំពីការរៀបចំឡើងវិញនូវរចនាសម្ព័ន្ធមានទំហំទឹកប្រាក់ប្រមាណ ៨,៣ ពាន់លានដុល្លារ ដែលឈានដល់ការកាត់បន្ថយចំនួនបុគ្គលិករហូតដល់ ១៨ ០០០ នាក់ឯណោះ ដោយបានចាប់ផ្ដើមពីថ្ងៃចន្ទសប្ដាហ៍នេះ។ គួរដឹងថាធនាគារនេះមានបុគ្គលិកប្រហែល ៩១ ៥០០ នាក់ នៅជុំវិញពិភពលោក។
ការរីកចម្រើននៃបច្ចេកវិទ្យានឹងនាំឲ្យមានការកាត់បន្ថយបុគ្គលិកទ្រង់ទ្រាយធំ ហើយអាចមកដល់លឿនជាងការគិតរបស់យើងទៅទៀត។ ចំនួនបុគ្គលិកដែលត្រូវប្រឈមនឹងការជំនួសដោយបច្ចេកវិទ្យានោះ ។ជាឧទាហរណ៍ បុគ្គលិកផ្នែកគណនីរបស់ធនាគារ Deutsche អាចត្រូវជំនួសដោយបច្ចេកវិទ្យាសាមញ្ញ ព្រោះពួកគេចំណាយពេលច្រើនណាស់លើការគិតលេខ។ ការកាត់បន្ថយចំនុចបុគ្កលិកដ៏ធំនេះ ពីការប្រើកម្លាំងពលកម្មមនុស្សទៅប្រើបច្ចេកវិទ្យា AI ក៏ដោយសារអតិថិជនធនាគារបានប្ដូរទៅកាន់ការប្រើលើអនឡាញវិញ ហេតុនេះធនាគារលែងត្រូវការបង្កើតសាខាច្រើនដូចមុនទៀត និងចំនួនបុគ្កលិកផងដែរ ។
ការវិវឌ្ឍទៅមុខខ្លាំងបំផុតលើបច្ចេកវិទ្យា AI នាពេលនេះគឺជាស្នាដៃរបស់ក្រុមហ៊ុនបច្ចេកវិទ្យាអាមេរិកធំៗដូចជា Google, Facebook, Amazon, Microsoft និង Apple ។ ក្រុមហ៊ុនទាំងនេះធំខ្លាំងពេក និងគ្រប់គ្រងទិន្នន័យជាច្រើន ដែលធ្វើឲ្យ AI អាចហ្វឹកហាត់បានកាន់តែខ្លាំង។ នាអនាគតបច្ចេកវិទ្យានេះអាចនិងត្រូវប្រើស្ទើរគ្រប់កន្លែង ដែលជាហេតុវាផ្តល់គុណវិបត្តិ និងគុណសម្បត្តិ ៕
ប្រភព៖ Reuters
