ការប្រើប្រាស់កម្មវិធី (App) ដើម្បីជួបជុំគ្នាលើប្រព័ន្ធ Online គឺជាតម្រូវការចាំបាច់មួយ ដែលមានលក្ខណៈងាយស្រួល និងដំណើរការរលូនមួយ ទន្ទឹមនឹងការរាតត្បាតកាន់តែខ្លាំងឡើងនៃវីរុសកូវីដ១៩ ដែលជាបញ្ហាពិភពលោកកំពុងព្រួយបារម្ភ ។ មានស្ថាប័នសិក្សា និងការងារជាច្រើនកន្លែង បានសម្រេចតម្រូវឲ្យបុគ្គលិក ឬនិស្សិត ធ្វើការ ឬសិក្សានៅតាមផ្ទះរៀងៗខ្លួន ដោយមិនចាំបាច់ចេញមកខាងក្រៅនោះទេ ដោយសារវីរុសកូវីដ១៩ ។ ខាងក្រោមបង្ហាញពី App ចំនួន ៣ ពេញនិយមបំផុតក្នុងការជួបជុំតាម Online នៅពេលបច្ចុប្បន្ននេះ ៖
Hangout meet ជា App meeting online ដែលអនុញ្ញាតឲ្យមនុស្សអាចចូលរួមដល់ ២៥០ នាក់ និងអាចផ្សាយផ្ទាល់ (Live Stream) ទៅកាន់មនុស្ស ១០០ ០០០ នាក់ឲ្យមើលឃើញថែមទៀតផង។ ជាសេវាកម្មមួយរបស់ Google បែបនេះរាល់វីដេអូវាអាចចែករំលែកនិងរក្សាទុកបានជាមួយ Google Drive។
Slack ជាកម្មវិធីដែលមានមុខងារចំនួន ពីរ គឺ Chat និង Video Chat ដោយមានមុខងារ Chat ជាលក្ខណៈ Private 1-1 ហើយអ្នកអាចធ្វើការចាក់សោ លើ Chat នោះបាន និងមិនអនុញ្ញាតឲ្យអ្នកផ្សេងអាចមកចូលរួមដោយសេរីបានឡើយ ។
ZOOM Cloud Meetings ផ្តល់ជូននូវគុណភាពរូបភាពច្បាស់ល្អ និងរួមបញ្ចូលទាំងប្រព័ន្ធផ្ញើសារឆាប់រហ័ស។ Zoom App អនុញ្ញាតឲ្យអ្នកប្រើប្រាស់អាចចូលរួមក្នុងការប្រជុំ ដល់ទៅ ១០០ នាក់ក្នុងពេលតែមួយ ៕
