វាអាចស្រដៀងនឹងឯកសណ្ឋានមនុស្សយន្តចេញពី សង្គ្រាមនៅភពផ្កាយ ដែលពាក់ដោយតួអង្គក្នុងខ្សែភាពយន្ត ប្រឌិតបែបវិទ្យាសាស្ត្ររឿង Star Wars ប៉ុន្តែនេះគឺជាគំរូដើមសម្រាប់ឈុតប្រយុទ្ធដែលរុស្ស៊ីសង្ឃឹមថានឹងផ្តល់ឱ្យទាហានរបស់ខ្លួនចូលសមរភូមិប្រយុទ្ធនៅថ្ងៃអនាគត។
ឧត្តមសេនីយ៍ឯក Andrey Grigoriev បានថ្លែងថា ឯកសណ្ឋានប្រយុទ្ធដែលជាបច្ចេកវិទ្យាទំនើបចុងក្រោយបំផុតនេះ រួមមានទាំងមួកការពារក្បាល និងខោអាវក្រោះសម្រាប់ការពារខ្លួនពីគ្រាប់កាំភ្លើងផងដែរ ពោលគឺដូចឈុតមនុស្សយន្តតែម្តង។ ប្រទេសរុស្ស៊ីក៏មានផែនការដើម្បីជំនួសទាហានមនុស្សជាមួយ នឹងមនុស្សយន្តដើម្បីប្រយុទ្ធនៅលើដីអាកាសសមុទ្រ និងសូម្បីតែទីអវកាសខាងក្រៅ។
បច្ចេកវិទ្យាយោធាដែលផលិតឡើងនៅវិទ្យាស្ថាន ស្រាវជ្រាវនៃការស្ថាបនាម៉ាស៊ីនប្រយុទ្ធ ( Central Research Institute for Precision Machine Building) ដែលមានមូលដ្ឋាន នៅទីក្រុងមូស្គូ ប្រទេសរុស្ស៊ីនេះត្រូវបានដាក់បង្ហាញនៅសកលវិទ្យាល័យជាតិវិទ្យាសាស្ត្រ និងបច្ចេកវិទ្យា ( National University of Science and Technology) ក្នុងទីក្រុងមូស្គូ៕
ប្រភព ៖ dailymail
