កាលពីយប់មិញក្រុមហ៊ុន Apple បានប្រកាសជំនាន់ iPhone 11 ស៊េរីក្រោយទាំងបីស៊េរី ហើយក្នុងនោះ ម៉ូដែល “Pro” និង “Pro Max”ផងដែរ ដែលការរចនារូបរាង និងសមត្ថភាពរបស់ iPhone ខុសប្លែកៗពី iPhone ជំនាន់ចាស់។
សម្រាប់ iPhone 11 Pro និង 11 Pro Max មានការដំឡើងកាមេរ៉ាដល់ទៅ ៣ គ្រាប់ កម្រិត ១២ មេហ្គាភិកសែល និងភ្លឺជាងមុនបន្តិច ព្រោះតែប្រើ f/2.0 ។ ជាពិសេសកាមេរ៉ា Apple មួយគ្រាប់ដែលបន្ថែមថ្មីវិញជាប្រភេទ Ultra-wide ដែលអាចថតរូបបានទៅដល់ទៅ ១២០ ដឺក្រេ។
នៅក្នុងវីដេអូខាងក្រោមនេះបានបង្ហាញពី iPhone ទាំងពីរសេ៊រី ដែលធ្វើការតេសសាងល្បងទម្លាក់ និងធន់ជាមួយការជ្រោបទឹក ។ វាបានប្រើបន្ទះឈីប A13 Bionic ដែល CPU និង GPU លឿនជាងមុនជំនាន់ចាស់ដល់ទៅ ២០% និងថ្មកាន់បានយូរជាងមុន ទោះបីប្រើ CPU និង GPU លឿនជាង ៤០% ។ ទំហំអេក្រង់ របស់ iPhone 11 Pro មានទំហំ ៥,៨ អ៊ីញ និង iPhone 11 Pro Max ទំហំ ៦,៥ អ៊ីញ។ អេក្រង់នេះអាចបញ្ចេញពន្លឺបានរហូតដល់ ១២០០ nits ។ ចំណែកអង្គចងចាំមានជម្រើស 64GB/256GB/512GB ដែលលោកអ្នកអាចជ្រើសរើសតាមទំហំដែលអ្នកចង់បាន ។
ដើម្បីដឹងឲ្យកាន់តែច្បាស់ លោកអ្នកអាចមើលវីដេអូខាងក្រោមនេះ ៖
